اردوئے معلیٰ

Search

ہے اندھیرا بہت اُجالا دے

راہ بھولا ہوں مجھ کو رستا دے

 

دھوپ میں گھر گیا ہوں سایہ کر

میری بنجر زمیں کو سبزا دے

 

چار دن اور مجھ کو زندہ رکھ

خشک ٹہنی کو سبز پتّا دے

 

بخش دے اب گناہ گاروں کو

بستیاں جل رہی ہیں برکھا دے

 

اپنی پہچان کھو چکا ہوں میں

میری بے چہرگی کو چہرا دے

 

میری رسوائیوں پہ پردا رکھ

میری عُریانیوں کو کپڑا دے

 

مجھ کو میرے لیے فراہم کر

اپنے ہونے کا مجھ کو مژدا دے

 

وہ زباں دے جو ہو پسند تجھے

جو لُبھائے تجھے وہ لہجہ دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ