اردوئے معلیٰ

Search

ہے اُس شخص کا سب سے اچھا مقدر

جو طیبہ سے لکھوا کے لایا مقدر

 

حضوری میں اپنی وہ رکھیں ہمیشہ

مقدر میں ہو کاش ایسا مقدر

 

خدا کی خدائی کے مختارِ ُکل ہیں

بنا دیتے ہیں شاہِ بطحا مقدر

 

ملا جب سے مدحِ پیمبر کا صدقہ

اُسی دن سے چمکا ہے میرا مقدر

 

ثنائے حبیبِ خدا کر رہا ہوں

مقدر سے کیا خوب پایا مقدر

 

جنہیں جامِ کوثر پلائیں گے آقا

بڑے اوج پر اُن کا ہوگا مقدر

 

جو آقا کی قربت میں رہتے ہیں ہر دم

کہ اچھوں سے اچھا ہے اُن کا مقدر

 

میں اپنے مقدر پہ نازاں ہوں خاکیؔ

مدینے میں پھر لے کے آیا مقدر

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ