اردوئے معلیٰ

Search

ہے آرزو کہ مدحتِ خیرالبشر کریں

توصیف ہم حضور کی شام و سحر کریں

 

سانسیں جو بچ گئی ہیں حیاتِ جلیل کی

گر اذن ہو عطا تو مدینے بسر کریں

 

ان کے کرم سے جن کے ہیں دامن بھرے ہوئے

پھر کس لئے وہ خواہشِ لعل و گہر کریں

 

لو چل پڑا ہے قافلہ ان کے دیار کو

آؤ درودِ پاک کو زادِ سفر کریں

 

ان سے وفا کا عہد نبھاتے ہوئے جلیل

خود کو انہی کے نام پہ مر کر امر کریں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ