اردوئے معلیٰ

Search

ہے جہاں سارا شاہِ امم آپ کا

وہ عرب آپ کا یہ عجم آپ کا

 

دست بستہ شہانِ جہاں سرنگوں

دیکھ کر شاہ !جاہ و حشم آپ کا

 

دشمنِ جاں کو بخشی اماں آپ نے

کیا مثالی ہے عفو و کرم آپ کا

 

خاتم الانبیاء اب قیامت تلک

سب سے اونچا رہے گا عَلَم آپ کا

 

ہوں اگرچہ میں عاصی مرے چارہ گر!

مجھ کو پھر بھی نبھایا کرم آپ کا

 

اس مقدس زمیں کی ہے مٹی شفا

جس زمیں پر ہے آقا قدم آپ کا

 

چاند سورج میں ہے آپ کی روشنی

ہیں سراپا بڑا ذی حشم آپ کا

 

ہے سہارا جلیلِ حزیں کو شہا!

ہر قدم پر میسر بہم آپ کا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ