اردوئے معلیٰ

Search

ہے زمیں آسماں میں اللہ ہو

کو بہ کو کل جہاں میں اللہ ہو

 

غیر کو دور کر کے پڑھتا رہ

دل کے خالی مکاں میں اللہ ہو

 

پھر ہی کامل ہے تیرا ایماں جب

ہو حقیقت گماں میں اللہ ہو

 

گونج ہر سو ہے دم بدم اس کی

پورے ارض و سماں میں اللہ ہو

 

گریہءِ ظاہری ہے رب کے لیے

اور اشکِ نہاں میں اللہ ہو

 

ذکرِ رب سے ہیں گل معطر تو

تتلیوں کی زباں میں اللہ ہو

 

گونج قدرت کی چار سو پائی

ہر مکاں لا مکاں میں اللہ ہو

 

کاش مہکے مرا سخن اس سے

جگمگائے بیاں میں اللہ ہو

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ