اردوئے معلیٰ

Search

ہے سلطانوں کا ایک سلطان

ہے حنان اللہ ، ہے منان

 

مہیمن ، حفیظ اور نگہبان

عفُو اور رحیم اور رحمٰن

 

زباں سے بھی کہنا ہے آسان

دلوں میں بسانا ہے ایمان

 

سرور و مسرّت کا سامان

دلِ صاحبِ دل کا ارمان

 

نرالا ، اکیلا جہاں بان

ہے خلاقِ حیوان و بے جان

 

عطا کر ہمیں اپنی پہچان

کریں ہم بیاں بس تِری شان

 

تِرا شکْر کرتے ہیں ہرآن

نہیں کرتے نعمت کا کفران

 

ہے اس پر یہ تیرا ہی احسان

اسامہ ہے تیرا ثناخوان

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ