اردوئے معلیٰ

Search

ہے سکونِ قلب کا سامان نعتِ مصطفی

عاشقانِ مصطفی کی جان نعتِ مصطفی

 

خود خدائے پاک کرتا ہے ثنا سرکار کی

دیکھ لو ہے سب کا سب قرآن نعتِ مصطفی

 

آرزو ہے میں بھی کہلاؤں ثنا خوانِ نبی

دو جہاں میں ہو مری پہچان نعتِ مصطفی

 

عشقِ شاہِ انبیا کو بخشتی ہے یہ جِلا

اور تازہ کرتی ہے ایمان نعتِ مصطفی

 

کیا سماں ہوگا وہ آصف سامنے سرکار کے

پیش کرتے ہوں گے جب حسان نعتِ مصطفی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ