یادِ رسولِ پاک کو مہماں کیے ہوئے
اپنے ہر ایک درد کا درماں کیے ہوئے
نامِ نبی سے بزم فروزاں کیے ہوئے
بیٹھے ہوئے ہیں دل کو شبستاں کیے ہوئے
ان میں اتر اے کوچۂ محبوب کی ہوا
لفظ و قلم چاک گریباں کیے ہوئے
جی چاہتا ہے گنبدِ خضریٰ کی چھاؤں میں
بیٹھے رہے نثارِ دل و جاں کیے ہوئے
ہے مشکبار قریہء احساس کی زمیں
یادِ نبی سے دل میں چراغاں کیے ہوئے
مظہرؔ صراطِ نعت پہ ہے گامزن خیال
حرف و سخن کو میرے گلستاں کیے ہوئے
