یا الہٰی مری مقبول دعا ہو آمین
آخری نعت مدینے میں عطا ہو آمین
آپ کے ذکر کی محفل میں سجائے ہی رہوں
لب پہ بس شاہِ مدینہ کی ثنا ہو آمین
کاش ہو جائے کسی رات زیارت اُن کی
مجھ سے بھی میرے مقدر کی وفا ہو آمین
ہے تمنا کہ سدا آپ کے در پر ہی رہوں
سامنے روضہ ہو اور نوری فضا ہو آمین
اپنی آنکھوں میں سجالوں میں وہ پیارا منظر
چار سو گنبدِ خضرا کی ضیا ہو آمین
خاک اُس رستے کی چوموں یہی حسرت ہے مری
جس پہ آقا ترا نقشِ كکفِ پا ہو آمین
ہو کرم ناز پہ رحمت کی ردا مل جائے
ہر گھڑی شکر کا سجدہ بھی ادا ہو آمین
