اردوئے معلیٰ

Search

یا نبی سلام علیک

یا رسول سلام علیک

یاحبیب سلام علیک

صلوٰۃ اللہ علیک

 

آپ ہی سلطانِ دیں ہیں

بانیٔ دینِ مبیں ہیں

مشعلِ راہِ یقیں ہیں

رونقِ فلک و زمیں ہیں

 

آپ ہی محبوبِ رب ہیں

آپ ہی شاہِ عرب ہیں

آپ ہی سب کی طلب ہیں

آپ جینے کا سبب ہیں

 

آپ ہی قرآن والے

آپ ہی ذیشان والے

جا بہ جا فیضان والے

دین کے ارکان والے

 

ہو کرم محبوبِ داور

آپ کے عاصی فداؔپر

ہو عطا راہِ منور

کامراں اس پہ ہوں چل کر

 

رب سے جو مانگا ملا ہے

غم کہاں کوئی رہا ہے

یہ غلامی کا صلہ ہے

اشرفی شکر فداؔ ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ