اردوئے معلیٰ

Search

یہی دستور ہے اہلِ وفا کا

زبان پر ورد ہو صلِ علیٰ کا

 

بس اک لمحہ ملے وہ چشمِ بینا

کروں دیدار محبوبِ خدا کا

 

کسی مشکل میں گھبراتا نہیں دل

لبوں پر نام ہے مشکل کشا کا

 

سبھی بیمار اچھے ہو رہے ہیں

کرشمہ ہے مدینے کی ہوا کا

 

گنہگاروں کی بخشش اور کیا ہے؟

کرم ہے شافعِ روزِ کا

 

تمدن کی عمارت گر رہی تھی

سہارا مل گیا غارِ حرا کا

 

جدائی میں برنگِ حرفِ مدحت

جواب آیا میری ہر التجا کا

 

مرا پیغام پہنچا ہے مدینے

بڑا احسان ہے بادِ صبا کا

 

ملا ہے مجھ کو ذوقِ نعت گوئی

مقدر ہے فقیر بے نوا کا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ