اردوئے معلیٰ

Search

یہی فرمانِ محبوبِ خدا ہے

خدا معبود ہے، حاجت روا ہے

 

خدا خالق ہے، مالک ہے، قوی ہے

وہی قیّوم، دائم ہے، سدا ہے

 

خدا لاثانی و بے مثل، یکتا

وہ واحد، منفرد، سب سے جدا ہے

 

خدا روزی رسانِ عالمیں ہے

ہر اک نعمت وہی کرتا عطا ہے

 

خدا کی عظمتوں کے ہیں مظاہر

سمندر، کوہ و بن، صحرا، ہوا ہے

 

درُود و نعت کی، حمد و ثنا کی

خدائے مصطفیٰ سنتا صدا ہے

 

کرم کی اک نظر للّٰلہ ظفرؔ پر

ترے محبوب کے در کا گدا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ