اردوئے معلیٰ

Search

یہ آرزو نہیں کہ دعائیں ہزار دو

پڑھ کے نبی کی نعت لحد میں اُتار دو

 

دیکھا ابھی ابھی ہے نظر نے جمالِ یار

اۓ موت! مجھ کو تھوڑی سی مہلت اُدھار دو

 

سنتے ہیں جاں کنی کا لمحہ ہے بہت کٹھن

لے کر نبی کا نام یہ لمحہ گزار دو

 

میرے کریم میں تِرے در کا فقیر ہوں

اپنے کرم کی بھیک مجھے بار بار دو

 

گَر جیتنا ہے عشق میں لازم یہ شرط ہے

کھیلو اگر یہ بازی تو ہر چیز ہار دو

 

یہ جان بھی ظؔہوری نبی کے طفیل ہے

اِس جان کو حضور کا صدقہ اُتار دو

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ