اردوئے معلیٰ

یہ ساری باتیں جو کر رہے تھے

یہ ساری باتیں جو کر رہے تھے
یہ نوفل و ہاشم و اسد اور سہم و مخزوم کے قبیلوں کے
معتبر لوگ کر رہے تھے
کوئی تھا ان میں ولید ابن مغیرہ یعنی قریش کا وہ رئیس اعظم
کوئی تھا عثمان ابن طلحہ
کلید بردار اور مجاور تھا وہ حرم کا
(کہ تین سو ساٹھ دیوتاؤں کا تھا پجاری)
تو کوئی تھا عاص ابن وائل
کوئی ابوجہل جو کہ خود کو ابو حکم جانتا تھا
ان میں کوئی تھا لات و منات اور بعل کا پجاری
ابولہب بھی تھا ان میں شامل
یہ شہر مکہ کے سب اکابر
صنم پرستی کے ترکشوں سے مخالفت کے تمام تیر آزما رہے تھے
یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ