اردوئے معلیٰ

Search

یہ کیسی نعت ہے پھر کیسے التزام کے ساتھ

خدا کا نام بھی شامل ہے اُن کے نام کے ساتھ

 

میں ایسی ذات کی مدحت کروں تو کیسے کروں

خدا نے نام لیا جس کا احترام کے ساتھ

 

سعادتِ بشری کا وہ اسمِ اعظم ہیں

تمام عظمتیں منسوب اُن کے نام کے ساتھ

 

درود لب پہ مرے ہو جب اُن کا نام آئے

حضورِ روضۂ اقدس ہوں میں سلام کے ساتھ

 

اگر وہاں مرا اک شعر بار پا جائے

تو سرخرو عجمی بھی ہو اِس کلام کے ساتھ

 

مرے قلم کو عطا اذنِ نعت گوئی ہو

یہ لطفِ خاص بھی آقا ہو اس غلام کے ساتھ

 

اگرچہ وحی نہیں ، ہے اُسی قبیل کی چیز

یہ روشنی کہ اترتی ہے مجھ پہ شام کے بعد

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ