اردوئے معلیٰ

Search

آپ کے در تک رسائی ہو گئی

ظلمتِ شب سے رہائی ہو گئی

 

جس نے منہ پھیرا حبیبِ پاک سے

قدر و قیمت پائی پائی ہو گئی

 

دو جہاں کی نعمتیں حاصل ہوئیں

ختم در در کی گدائی ہو گئی

 

جو بھی پہنچا آپ کی دہلیز تک

ختم اس کی بے نوائی ہو گئی

 

جو فقیری آپ کے در سے ملی

رشکِ شاہاں وہ گدائی ہو گئی

 

شافعِ محشر کے صدقے وارثیؔ

عاصیوں کی بھی رہائی ہو گئی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ