اردوئے معلیٰ

Search

انوار برستے رہتے ہیں اس پاک نگر کی راہوں میں

اک کیف کا عالم ہوتا ہے طیبہ کی مست ہواؤں میں

 

اس نام محمد کے صدقے بگڑی ہوئی قسمت بنتی ہے

اس کو بھی پناہ مل جاتی ہے جو ڈوب گیا ہو گناہوں میں

 

گیسوۓ محمد کی خوشبو اللہ اللہ کیا خوشبو ہے

احساس معطر ہوتا ہے واللیل کی مہکی چھاؤں میں

 

وہ بانی دین مبین بھی ہے حم بھی ہے یسن بھی ہے

مسکینوں میں مسکین بھی ہے سلطان زمانہ شاہوں میں

 

سب جلوے ہیں اس صورت کے ، وہ صورت ہی وجہ اللہ ہے

اللہ نظر آ جاتا ہے وہ صورت جب نگاہوں میں

 

اللہ کی رحمت کے جلوے اس وقت میسر ہوتے ہیں

سجدے میں ہوں جب آنکھیں پرنم اور نام محمد آہوں میں

 

اس ناطق قرآن کی مدحت انسان کے بس کی بات نہیں

ممدوح خدا ہیں وہ واصف صد شکر کہ ہم ہیں گداؤں میں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ