اردوئے معلیٰ

Search

اک تعلق بحال ہو جائے

زخم کا اندمال ہو جائے

 

ایسے ہوں راستے سہولت کے

چلنے والا نڈھال ہو جائے

 

حسن وہ ہے کہ دیکھ کر جس کو

آنکھ دستِ سوال ہو جائے

 

پہلے پہلے تـرا خیـال رہے

اور پھر تُو خیال ہو جائے

 

زندگی کی مثال ایسی دو

زندگی بے مثال ہو جائے

 

ابھی پہلا ہی دن ہو جینے کا

اور جینا محال ہو جائے

 

تُو گلے لگ کے پیرہن ہو جا

زلف کندھے پہ شال ہو جائے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ