اردوئے معلیٰ

Search

ایک طلب ہے ایک ہی خوُ لا اِلٰہ اِلاّ ھو

اب تو ہے تو اور تو ہی تو لا اِلٰہ اِلاّ ھو

 

تیری عبادت کیا کہنا، تیری حقیقت کیا کہنا

ہوگئی دنیا قبلہ رو لا اِلٰہ اِلاّ ھو

 

اُٹھ گئے آنکھوں سے پردے راز کھلے سب جلوؤں کے

مجھ سے اب کیا دور ہے تو لا اِلٰہ اِلاّ ھو

 

مجھ کو اپنی ہستی کا، چل جائے اک روز پتا

سامنے جب ہو میرے تو لا اِلٰہ اِلاّ ھو

 

تجھ کو دیکھا ہے اکثر تجھ کو سنا اُن کو سن کر

تجھ میں ہیں وہ اور ان میں ہے تو لا اِلٰہ اِلاّ ھو

 

صَلِّ علیٰ سے گونج اٹھی تیرے حرم کی آج فضا

آئی مدینے کی خوشبو لا اِلٰہ اِلاّ ھو

 

تیرے حبیب کے صدقے میں در تک تیرے پہنچا ہوں

دل میں اثرؔ کے تیری خوُ لا اِلٰہ اِلاّ ھو

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ