اردوئے معلیٰ

Search

 

اے خدا شكر كہ اُن پر ہوئیں قرباں آنكھیں
اُن كی دہلیز پہ ركھ آیا ہوں گِریاں آنكھیں

 

گنبدِ سبز كے جلووں نے كیا ہے سیراب
كتنی شاداب ہوئی جاتی ہیں ویراں آنكھیں

 

ہر گھڑی ان میں مدینے كے اُجالے اتریں
اے خدا كردے مرے دل كی فروزاں آنكھیں

 

جب نظر آئیں گے محشر میں شفیعِ محشر
مسكرا اٹھیں گی میری بھی ہراساں آنكھیں

 

اُن كے قدموں سے ملی دونوں جہاں كی تسكیں
جگمگا اُٹھی ہیں اب میری بھی حیراں آنكھیں

 

بس گئی جب سے بصارت میں سنہری جالی
آگئیں وجد میں فیضؔی مری بے جان آنكھیں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ