اردوئے معلیٰ

Search

خلقت کا پاسباں ہے مدینہ منورہ

عالم ہے جسم، جاں ہے مدینہ منورہ

 

بے چینیاں ہیں بکھری ہوئی کائنات میں

وجہ قرار جاں ہے مدینہ منورہ

 

آرام گاہ صاحب ہردو سرا ہے تو

ثانی ترا کہاں ہے مدینہ منورہ

 

تیرا وجود مصدر حسن و جمال ہے

تو زینت جہاں ہے مدینہ منورہ

 

دنیا تو ہے تمازت غم سے بھری ہوئی

رحمت کا سائباں ہے مدینہ منورہ

 

کچھ ایسی دلکشی ہے ترے باغ و راغ میں

حسرت زدہ جناں ہے مدینہ منورہ

 

قدسی بھی آکے اس کی زیارت کریں کفیل

صد رشک آسماں ہے مدینہ منورہ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ