اردوئے معلیٰ

Search

رکھتا ہے جو بھی دل میں عقیدت حضور کی

ہوئی ہے اُس پہ خاص عنایت حضور کی

 

اللہ کا بڑا ہی کرم اُس پہ ہو گیا

جس کو عطا ہوئی ہے محبت حضور کی

 

معراج پر ہیں دیکھ کے، حیران جبرئیل

وہ عظمت و سیادت و رفعت حضور کی

 

دونوں جہاں میں ہو گیا وہ شخص سرخرو

قسمت سے مل گئی جسے قربت حضور کی

 

کرتا ہوں میں ثنائے نبی اِس یقین سے

محشر میں بخشوائے گی نسبت حضور کی

 

جب تک مرے وجود میں آصف یہ دَم رہے

کرتا رہوں میں ہر گھڑی مدحت حضور کی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ