زیارت دی کرو ہاں یا رسول اللہ
وچھوڑے چیر چھڈیا اے میرا ہاں یا رسول اللہ
جدوں آوے تے مستی وچ کوئی رہندی نہ سُر مینوں
پتہ نئیں کیہ اے کر چھڈیا ترے ناں یا رسول اللہ
جدوں تیکر مدینے ساں تے دُھپ وی ٹھار دیندی سی
ایہ ویکھو ہن تے مینوں ساڑ دی چھاں یا رسول اللہ
تِری نسبت دا صدقہ اے کہ دِن بن کے چمکنا آں
پتہ مینوں ہنیری رات میں ساں یا رسول اللہ
تُسیں جیویں محبت اُمتیاں دے نال کر دے او
محبت انج نہ کر سکدی کوئی ماں یا رسول اللہ
مِرا ساہواں دی تسبی تے ایہو ای بس وظیفہ اے
ترا ہاں میں ، ترا ہاں میں، ترا ہاں یا رسول اللہ
قلم اعجازؔ پھڑیا تے جھڑی رحمت دی لگ پئی اے
میں تیری نعت لکھنی اے اجے تاں یا رسول اللہ