اردوئے معلیٰ

Search

سبھی کو ہو مبارک آج وہ روشن جبیں آیا

زمیں اترائی کہ محبوبِ رب العالمیں آیا

 

وہ جن کی مثل دنیا میں نہ ہی افلاک میں کوئی

نہیں ان سا کوئی بھی آج تک اتنا حسیں آیا

 

حلاوت تھی ، محبت تھی ، سخاوت تھی ، عنایت تھی

وہ جن کی گفتگو میں پھول تھے خندہ جبیں آیا

 

امانت دار اپنے بھی پرائے بھی جسے مانیں

سبھی کے واسطے ہوکر وہ صادق اور امیں آیا

 

شبِ ظلمت کو جو رحمت سے روشن کرنے آیا ہے

مسیحا روحِ بوسیدہ کا نورِ دلنشیں آیا

 

مدینہ جا کے میں گنبد کے آگے عرض کردوں گا

ثنا کے واسطے لے کر میں نعتِ دل نشیں آیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ