اردوئے معلیٰ

Search

 

سیر احوال و مقامات ہے معراج کی رات

نقطہ اوج کمالات ہے معراج کی رات

اس قدر نور کی برسات ہے معراج کی رات

چاک ہر پردہ ظلمات ہے معراج کی رات

چاک ہر پردہ ظلمات ہے معراج کی رات

عقل سرگشتہ حالات ہے معراج کی رات

عشق سرشار عنایات ہے معراج کی رات

قطرہ دریا ہے، کلی باغ، ستارہ خورشید

کس قدر رافع درجات ہے معراج کی رات

ہر گھڑی آپ کا رہوار ہے مائل بہ عروج

آپ کے واسطے ہر رات ہے معراج کی رات

لیلۃ القدر بھی ہے یوں تو بڑی شان کی رات

پر تری اور ہی کچھ بات ہے معراج کی رات

آپ ہیں طرہ کونین و طراز امکاں

بس اسی بات کا اثبات ہے معراج کی رات

کون سی بات ہے اس میں جو تحیر کی نہیں

سر بہ سر خارق عادت ہے معراج کی رات

وصل کو ہجر پہ جب تک ہے فضیلت حاصل

بہترین ہمہ اوقات ہے معراج کی رات

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ