اردوئے معلیٰ

Search

 

شان ان کی سوچیے اور سوچ میں کھو جایئے

نعت کا دل میں خیال آئے تو چپ ہو جایئے

 

سونپ دیجے دیدہ تر کو زباں کی حسرتیں

اور اس عالم میں جتنا بن پڑے رو جایئے

 

یا حصار لفظ سے باہر زمین شعر میں

ہو سکے تو سرد آہوں کے شجر بو جایئے

 

اے زہے قسمت کسی دن خواب میں پیش حضور

فرط شادی سے ہمیشہ کے لئے سو جایئے

 

اے زہے قسمت اگر دشت جہاں میں آپ کے

نقش پا پر چلتے نقش پا ہو جایئے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ