اردوئے معلیٰ

Search

طیبہ توں پُھٹ کے میری جگ جے مثال ویکھے

پانی توں وکھرے کر کے مچھلی دا حال ویکھے

 

عاشق تیار بیٹھے دل جان وارنے نوں

کوثر دا ساقی آ کے بس پیار نال ویکھے

 

کستوری اُس نظر وچ آ کے تے قید ہوئی

جہنے حبیبا تیری زلفاں دے جال ویکھے

 

سرکار دی نظر دے کُٹھیاں دا جہیڑا پُچھدا

یوسف دے حُسن کٹیاں اُنگلاں دا حال ویکھے

 

جہنے نظارا کیتا محبوب دے ٹُرن دا

دسو بلال کیویں حوراں دی چال ویکھے

 

جد منگنے توں پہلے لجپال در توں مِلیا

حیران ہو کے مینوں میرا سوال ویکھے

 

جہنوں سمجھ نہ آوے اعجازؔ دا تڑپھنا

اُنگلی تے چن فلک دا پوندا دھمال ویکھے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ