اردوئے معلیٰ

Search

عرض کی رب سے سکوں کا ہو کوئی نسخہ عطا

تب خدا سے نعت لکھنے کا ہوا تحفہ عطا

 

آنسووں سے نعتِ پاکِ شاہِ بطحا کہہ سکوں

کاش ہو جائے قرینہ بات کا ایسا عطا

 

حشر میں اے کاش جامِ حوضِ کوثر پاسکیں

دستِ محبوبِ خدا سے ہو اگر پینا عطا

 

دولتِ کون و مکاں سے مجھ کو بڑھ کر ہے یہی

خواب میں سرکار کا ہو جائے گر جلوہ عطا

 

کاش روزِ حشر آئے یہ ندا میرے لیے

تو غلام ابنِ غلامِ مرسلیں ہے جا عطا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ