اردوئے معلیٰ

Search

عصیاں سے تطہیر ملی

آپ آئے توقیر ملی

 

ٹوٹا گمراہی کا فسوں

وحدت کو تکبیر ملی

 

صدی صدی کے چہرے پر

ان کی طلب تحریر ملی

 

قول و عمل سے آقا کے

قرآں کی تفسیر ملی

 

طیبہ کے ہر راہی سے

ہنس کے گلے تقدیر ملی

 

دھڑکن دھڑکن نعت نبی

نفس نفس تنویر ملی

 

کاسۂ فکر و فن کو مرے

مدحت کی جاگیر ملی

 

جو اُن کا ہے اُس کو صبیحؔ

شہرتِ عالمگیر ملی

 

.

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ