اردوئے معلیٰ

Search

لجپال دی رحمت دے نگر نین پھرن ویکھ

رم جھم اے تجلیاں دی گنہگار ٹھرن ویکھ

 

محبوب دے دو نین محبت دے سمندر

اس دل دا ادب نال توں ڈُب ڈُب کے ترن ویکھ

 

خود حشر دا میدان خدائی نوں کہوے گا

سَردار دا نہ پچھ توں غلاماں دا ٹرن ویکھ

 

پھل تیری اڈیکاں دے جو پلکاں تے کھِڑے نیں

دکھیاں دا وچھوڑے دی بہاراں نوں جرن ویکھ

 

اس تن چوں نکل کے میں کھڑا جالی دے ساہویں

اکھ میٹ کے طیبہ نوں مِرا کوچ کرن ویکھ

 

آ سوچ دی تختی تے بنا نقش ’’محمد‘‘

رحمت دے قلم دا توں ہنے رنگ بھرن ویکھ

 

اعجازؔ نہ تک میرا توں دن رات تڑفنا

ہتھ سوہنے دے درداں دا مِرے دل تے دھرن ویکھ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ