اردوئے معلیٰ

Search

محبوب کبریا سے تو اس طرح پیار کر

ناموسِ مصطفیٰ پہ دل و جاں نثار کر

 

در پر بلا ہی لیں گے تجھے ایک دن ضرور

یادِ نبی میں چشم کو تو اشک بار کر

 

دردِ فراق سہنے کی طاقت نہیں ہے اب

دل چل مدینے اور نہ اب انتظار کر

 

سارے جہاں کی نعمتیں بٹتی ہیں اُن کے در

ہوجائے گی عطا تجھے بھی انتظار کر

 

نعت نبی کا شوق ہے گر تجھ کو وارثیؔ

وردِ درودِ پاک کو اپنا شعار کر

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ