اردوئے معلیٰ

Search

مِری کُلی وی سج ویندی کدی اک وار آ جاندوں

مِرے دل نوں وی چن وانگوں توں انگلی تے نچا جاندوں

 

کدی اپنے بیماراں دی طبیبا کر دوا جاندوں

پلا کے جام نیناں دے شفاواں کر عطا جاندوں

 

مِرے بختاں دی نگری تے غماں دی رات دا پہرہ

وکھا کے ولضحٰی مکھڑا توں دن آقا چڑھا جاندوں

 

گلی تیری دا محبوبا میں ہوندا خاک دا ذرہ

مِرے تے پیر انج دھردوں کہ لوں لوں وچ سما جاندوں

 

اسیں ہاں عشق وچ دھکھدے نہ بلدے آں نہ بجھدے آں

ترس کھا کے غریباں تے کسے کدھی تے لا جاندوں

 

گناہواں دے سمندر وچ میں ڈبیا یا رسول اللہ

جیویں کل نوں بچاونا ای اوویں اج وی بچا جاندوں

 

جیویں سرکار سعدی نوں توں اک مصرعہ لکھایا اے

اوویں اعجازؔ نوں مصرعہ کوئی تے کر عطا جاندوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ