اردوئے معلیٰ

Search

میں مانتا ہوں ائے عقل والو میرا محمد خدا نہیں ھے

مگر دلوں میں یہ نقش کرلو کہ وہ خدا سے جدا نہیں ھے

 

حَسِین دیکھا نہ تم سا پایا جمیل دیکھے نہ تم سا دیکھا

تمہارا ہمسر تمہارا ثانی جہاں میں ابتک ہوا نہیں ھے

 

تمہیں ہو اول تمہیں ہو آخر تمہیں ہو باطن تمہیں ہو ظاہر

خدائے برتر کے بعد آقا کوئی تمہارے سوا نہیں ھے

 

کَلی کَلی کو ہنسا رہے ہو گٌلوں میں خود مسکرا رہے ہو

فضائے عالم پہ چھا رہے ہو یہ کالی کالی گھٹا نہیں ھے

 

یہ کس کے پیارے کا تو ہے دشمن یہ کس کی عظمت سے تو ہے بدظن

بتا منافق تجھے ہوا کیا؟ذرا بھی خوف خدا نہیں ھے

 

ائے دونوں عالم کے راج والے غریب بیکلؔ کی لاج والے

او روز محشر کے تاج والے وہاں کوئی آسرا نہیں ھے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ