اردوئے معلیٰ

Search

 

میں نعت لکھ دوں ،کریم آقا ، ردیف کر کے

فلک نشیں بے شمار قدسی حلیف کر کے

 

وہ اٹھنا چاہے تو اٹھ نہ پائے درِ نبی سے

جھکاؤں چوکھٹ پہ اپنا خامہ ضعیف کر کے

 

سجاؤں لفظوں کی کہکشاں بہرِ شاہِ خوباں

کروں نچھاور گلاب جملے لطیف کر کے

 

جمیل بحریں نئی زمینوں میں آزماؤں

لطیف لفظوں سے دور حرفِ کثیف کر کے

 

نعوت بے نقص پیش ہوں ان کی بارگہ میں

نکال دوں نقصِ حرف و معنی خفیف کر کے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ