اردوئے معلیٰ

Search

نہ اِس جہاں میں نہ اُس جہاں میں

حضور جیسا نہیں زماں میں

 

گھڑی جو محشر کی آئے یا رب

نبی کی رکھنا مجھے اماں میں

 

لکھوں میں جیسا بھی جو بھی یا رب

سُرور کر دے مرے بیاں میں

 

نبی کی فرقت کا جو نشہ ہے

وہ روز پاتا ہوں میں فغاں میں

 

جھکا ہوں جب سے نبی کے در پر

بہار سی آ گئی خزاں میں

 

ٹھکانہ رب کا نبی بتائیں

وہ ہو گا دل کے کسی مکاں میں

 

رقم جو قائم کروں گا مدحت

تو ہوں گے چرچے زمیں زماں میں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ