اردوئے معلیٰ

Search

کانٹوں کی نہ پھولوں کی زباں مانگ رہا ہوں

اے دردِ نہاں حسنِ بیاں مانگ رہا ہوں

 

کیا سود و زیاں ، عشق و ہوس سب سے گزر کر

دنیا کو یقیں دے کے گماں مانگ رہا ہوں

 

دکھ درد تو مجھ کو مری قسمت سے ملے ہیں

کیا تم سے میں اے چارہ گراں مانگ رہا ہوں

 

ہر گام پہ جلنا ہی جو ٹھہرا ہے مقدر

ہر گام پہ اک برقِ تپاں مانگ رہا ہوں

 

انسان کا غم ہی مجھے مل جائے بہت ہے

میں عشرتِ کونین کہاں مانگ رہا ہوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ