اردوئے معلیٰ

Search

ہونٹوں پہ شہ دیں کی مدحت کا ترانہ ہے

اب موسم رحمت کو گھر میں مرے آنا ہے

 

زینت ہے مرے دل کی طغریٰ در آقا کا

صد شکر مجھے حاصل رحمت کا خزانہ ہے

 

سرکار کا ہے مسکن سرکار کا ہے آنگن

اور اس کے سوا دنیا جو کچھ ہے فسانہ ہے

 

اے خاک در آقا احسان ذرا کرنا

مہر و مہ و انجم کو آئینہ دکھانا ہے

 

شہر شہ بطحا کا کیا حسن بیاں کیجے

جلوے بھی انوکھے ہیں منظر بھی سہانا ہے

 

آقا کی غلامی کا ہے تاج جسے حاصل

بے مثل ہے ذات اس کی یکتائے زمانہ ہے

 

سرکار دوعالم کی الفت ہے اگر دل میں

اے نورؔ یقیں جانو جنت ہی ٹھکانا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ