اردوئے معلیٰ

Search

یہ بات اپنی جگہ ایک معجزہ بھی تھا

مری نمو میں مگر میرا حوصلہ بھی تھا

 

یہ عشق اُن دنوں چلتا نہ تھا زیادہ دیر

سو تیرے ساتھ کوئی اور سلسلہ بھی تھا

 

معاف کرنا اداسی اٹھا کے لے آئے

ہمیں تو یاد نہیں گھر میں آئنہ بھی تھا

 

تمھارے درد بھلانے کو میں نے پی لی تھی

اگرچہ تلخ بہت اس کا ذائقہ بھی تھا

 

لیا تھا خود ہی بھٹکنے کا فیصلہ قیصر

ہمارے سامنے اک اور راستہ بھی تھا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ