تابِ ُسخن ہے سر بہ خم، شوقِ وصال منفعل

پہلے تو خوب زور تھا عرضِ نیازِ دید کا

تیرے حضور آ کے ہے صورتِ حال منفعل

کاسۂ حرفِ عجز میں تاب و تبِ ُسخن کہاں

دستِ عطا کے سامنے جود و نوال منفعل

ہالۂ رنگ و نور میں گنبدِ سبز کی نمود

لالہ و ُگل کے ساتھ ساتھ سبزہ و ڈال منفعل

کوچۂ شہرِ ناز میں رنگوں کی دلکشی تمام

جذبِ بیانِ ُحسن کے سارے کمال منفعل

مدحِ جمالِ یار میں پورا وجود دم بخود

صوتِ جواب مضمحل، تابِ سوال منفعل

خامۂ شوق و عجز کو اذنِ خیال تک نہیں

اُن کے حضور میں تو ہے نفسِ مثال منفعل

کنگرۂ قصرِ نعت پر تابشِ عشق کی طلب

اوجِ نمودِ ناز پر طرزِ مقال منفعل