خدا ہی جانے حقیقت رسولِ اکرم کی

عروجِ نوعِ بشر کے لیے یہ کافی ہے

رہے نظر میں شریعت رسولِ اکرم کی

کسی کے وہم و گماں میں نہ آ سکے گی کبھی

کہاں ہے سرحدِ رفعت رسولِ اکرم کی

خدا اور اس کے ملائک تو کرتے ہیں ہر دم

اے مومنو! کرو مدحت رسولِ اکرم کی

خدا ہے ان کا خدا کے ہیں یہ خدا کی قسم

خدائی پر ہے حکومت رسولِ اکرم کی

طواف کرتے ہیں اُس دل کا تو ملائک بھی

بسی ہے جس میں محبت رسولِ اکرم کی

اسی لیے تو کہا والضحیٰ و یٰسیں بھی

کہ رب کو پیاری ہے صورت رسولِ اکرم کی

زمین کیا ہے فلک پر بھی ہے رضاؔ چھائی

خدا کے فضل سے رحمت رسولِ اکرم کی