جو ان کو چُھو کے آتی ہو وہی ہر پل صبا ڈھونڈوں

میں رسیا خاکِ بطحا کا میں عاشق نورِ خضریٰ کا

جہاں ان کے قدم آئے وہ ذرے با خدا ڈھونڈوں

جہاں نعلین رکھتے تھے مرے آقا مرے سرور

وہاں پر آنکھ مس کرنے کی رفعت دل رُبا ڈھونڈوں

کبھی حسانؓ سی ندرت ،کبھی جامی سے آنسو ہوں

کبھی الہام میں ندرت کبھی فکرِ رسا ڈھونڈوں

اذاں میں روز سنتے ہی شہادت آپ کی آقا

بشر جس کی جھکیں آنکھیں وہ خوش رو با وفا ڈھونڈوں

جہاں اوصاف جھکتے ہیں جہاں رفعت بھی خادم ہے

میں اُس مولا کے نقشِ پا کی دل آرا ضیا ڈھونڈوں

تبسم دل کشا تھا اور مدھم تھی صدا اُن کی

میں ہر مسلم کی سیرت میں یہ اوصاف و ادا ڈھونڈوں

اگر یاقوت و مروا رید کے الفاظ ہوں قائم

تو مدحت میں لگانے کے لیے گوہر جدا ڈھونڈوں