خدا نے بھیجا ہے آپ تحفہ ، درود ان پر ، سلام ان پر

عطا ہمیں بھی کیا وظیفہ ، درود ان پر ، سلام ان پر

دعا کے اول درود بھیجیں ، دعا کے آخر سلام بھیجیں

کہیں گے پا کر دعا میں وقفہ ، درود ان پر ، سلام ان پر

وہ نامہ بر ہیں ، وہی ہیں نامہ ، وہی ہیں محبوبِ ربّ خامہ

خدا کی جانب سے ہر صحیفہ درود ان پر ، سلام ان پر

درود ہی سے چمن کی رونق ، سلام ہی سے حیاتِ برحق

یہ کہہ کے کھلتا ہے ہر شگوفہ ، درود ان پر ، سلام ان پر

خدا نے شہکار اک بنایا ، یوں اس نے سارا جہاں سجایا

جہانِ کُن کا حسیں اضافہ درود ان پر ، سلام ان پر

چمن میں قائل ہے غنچہ غنچہ ، سخن میں ناطق ہے نقطہ نقطہ

عدن میں گویا ہے غرفہ غرفہ ، درود ان پر ، سلام ان پر

جیے اگر ہم تو روضے آ کر ، مرے اگر ہم تو جا کے کوثر

اسامہ! بھیجیں گے بالمشافہ درود ان پر ، سلام ان پر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

پھراٹھا ولولہ یاد مغیلان عرب

پھر اٹھا ولولہ یاد مغیلان عرب پھر کھنچا دامن دل سوئے بیابان عرب باغ فردوس کو جاتے ہیں ہزاران عرب ہائے صحرائے عرب ہائے بیابان عرب میٹھی باتیں تری دینِ عجمِ ایمان عرب نمکیں حسن ترا جان عجم شان عرب اب تو ہے گریۂ خوں گوہر دامان عرب جس میں دو لعل تھے زہرا کے […]

بھینی سہانی صبح میں ٹھنڈک جگر کی ہے

کلیاں کھلیں دلوں کی ہوا یہ کدھر کی ہے کھبتی ہوئی نظر میں ادا کس سحر کی ہے چبھتی ہوئی جگر میں صدا کس گجر کی ہے ڈالیں ہری ہری ہیں تو بالیں بھری بھری کشتِ اَمل پری ہے یہ بارش کدھر کی ہے ہم جائیں اور قدم سے لپٹ کر حرم کہے سونپا خدا […]