ہے مدینہ نازشِ اختر ترا جانِ زمن

بھیجتا ہے رب ہی تیری شان کے شایاں درود

ذکر ہے یوں عرش کے اُوپر ترا جانِ زمن

زندگی میں زندگی کے رنگ بھی شام و سحر

بھر رہا ہے گنبدِ اخضر ترا جانِ زمن

روزِ محشر ہم کہاں جاتے کہاں چھپتے بھلا

ملجٰی و ماوٰی نہ پاتے گر ترا جانِ زمن

خاندانِ نور میں شامل ہیں جملہ اُمّہات

سیّدہ، حسنین اور حیدر ترا جانِ زمن

چاند جس کے سامنے ہے ماند ایسی روشنی

دے رہا ہے چہرۂ انور ترا جانِ زمن

دیکھ لیں گر اک نظر تو قبضۂ کافر میں بھی

ذکر کرتا ہے ہر اک کنکر ترا جانِ زمن

قاسمِ نعمات ہے تو قاسمِ کثرت توئی

ذکر ہے بر سورۂ کوثر ترا جانِ زمن

گونجتی ہے جسم و جاں میں بس صدا لبیک کی

جسم کیا ہے جان کیا ہے سر، ترا جانِ زمن

جاں گُسِل لمحات ہیں زیرِ لواء تھوڑی جگہ

مانگتا ہے حشر میں منظر ترا جانِ زمن