میرے آقا کا ہے تذکرہ جا بہ جا

وقت کیسا بھی دنیا میں آیا مگر

نعت کا دور چلتا رہا جا بہ جا

جس طرف دیکھیے جس طرف جایئے

مصطفیٰ کی ہے مدح و ثناء جا بہ جا

اُن کے در سے فقیروں کو شاہی ملی

اُن کی دیکھی ہے شانِ عطا جا بہ جا

جا بہ جا محفلیں سج گئیں نعت کی

نعت کا فیض جاری ہوا جا بہ جا

کوئے طیبہ وہی شہر ہے کہ جہاں

نور ہی نور دیکھا گیا جا بہ جا

یا نبی اِک نگاہِ کرم کیجیے

میں نے ہر دم سنی یہ صدا جا بہ جا

فرش کیا عرش والے بھی مسرور ہیں

سج گئی محفلِ مصطفیٰ جا بہ جا

خاکیؔٔ بے نوا جس طرف جایئے

شاہِ والا ہیں جلوہ نما جا بہ جا