مدام ہے یہی کارِ سعود بسم اللہ

زباں پہ لاتی ہیں جب بھی صدا کو دو مِیمیں

تو ہونٹ بنتے ہیں تارِ سرود بسم اللہ

سلامتی ہے سراسر مرے حضور کا دِین

بصد نیاز، حدود و قیود بسم اللہ

کلی سے پھول ہُوا عشق اور مہک جاگی

ادائے رنگ میں بست و کشود بسم اللہ

کلیدِ نعت نگاری پہ میرے لفظ نثار

سخن پہ کھُلتا ہے بابِ جمود بسم اللہ

فلک سے آتی ہے چل کر شعاعِ نور میاں

جب ان کی کرتا ہے مدحت، وجود، بسم اللہ

لبِ یقین پہ آتا ہے اسمِ شاہِ امم

سکوں کی ہوتی ہے دل میں نمود بسم اللہ

کمالِ عظمتِ سیرت پہ لاکھ بار سلام

جمالِ شہ پہ فدا ہست و بود بسم اللہ