ہے گیسوئے شمیم و، لَبِ دلبراں کی بات

جامع کلام تحفہ ملا، جس کے نطق کو

افصح عرب میں اُمّی کے، شیریں بیاں کی بات

فیضِ کرم کے ان کے، سلاسل ہیں بے کراں

حاکم بنے عرب کے، عمر سار باں کی بات

دیتا ہے خبریں، حشر و ما فی ھاکی جا بجا

اوجِ کمالِ علم پہ ہے، بر جماں کی بات

احسان رب نے کر دیا، احمد کو بھیج کر

کون و مکاں کی بزم پہ، اس ارمغاں کی بات

عالم پہ چھایا عکس ہے ، اس حسنِ ناز کا

کامل ہے سایہ جس کا، اسی سائباں کی بات

قرآن اور حدیث میں، فارق ہے جس کی ذات

رازِ جہاں کے دائم، اسی راز داں کی بات

پیہم ہے فکر تنگیءِ داماں کا مجھ کو اب

جب رحمتِ بے پایاں کے، شاہِ زماں کی بات

ذاکر ہیں عرش و فرش، ہمہ دوش ہر گھڑی

ڈاہر ترے نصیب میں، اس جانِ جاں کی بات