ھم نہ دیکھیں گے عمارت کو کھنڈر ھونے تک

تُم تو دروازہ کُھلا دیکھ کے در آئے ھو

تُم نے دیکھا نہیں دیوار کو در ھونے تک

چُپ رھیں ؟ آہ بھریں ؟ چیخ اُٹھیں ؟ یا مر جائیں ؟

کیا کریں، بے خَبَرو ! تُم کو خبر ھونے تک ؟

ھم پہ کر دھیان، ارے چاند کو تکنے والے

چاند کے پاس تو مُہلت ھے سحر ھونے تک

حال مت پوچھیے، کچھ باتیں بتانے کی نہیں

بس دُعا کیجے دُعاؤں میں اثر ھونے تک

سگِ آوارہ کے مانند محبت کے فقیر

در بدر ھوتے رھے شہر بدر ھونے تک

آپ مالی ھیں نہ سُورج ھیں نہ موسم، پھر بھی

بیج کو دیکھتے رھیے گا ثمر ھونے تک

دشتِ خاموش میں دم سادھے پڑا رھتا ھے

پاؤں کا پہلا نشاں راہ گذر ھونے تک

فانی ھونے سے نہ گھبرائیے فارس کہ ھمیں

ان گنت مرتبہ مرنا ھے امر ھونے تک