کیمیا ہوں کہ مسِ خام ، غرض یہ بھی نہیں ہے

کوئی باقائدہ آغاز نہیں تھا کل بھی

کوئی باضابطہ انجام ، غرض یہ بھی نہیں ہے

کیوں چھپاتا ہے عبث اپنے بدن کے غنچے

تجھ سے ائے پیکرِ گلفام ، غرض یہ بھی نہیں ہے

ہم سے رکتی ہی نہیں سینہِ بِسمل میں صدا

کوئی آئے گا سرِ بام ، غرض یہ بھی نہیں ہے

فطرتاً کارِ محبت پہ ہیں پابند ، کہ ہم

کامراں ہوں کہ ہوں ناکام ، غرض یہ بھی نہیں ہے

خود کلامی ہی سہی شعر ، چلو ، دیدہ ورو

وہم ٹھہرے ہیں کہ الہام ، غرض یہ بھی نہیں ہے

ہم وہ درویشِ سخن ہے کہ سرِ بزمِ جہاں

داد پاتے ہیں کہ دشنام ، غرض یہ بھی نہیں ہے