کیویں چھڈ کے نظارے ایتھوں جاواں اتے نیئں میرے وَس سوہنیا

مُڑ کے جانا ایتھوں ساڈی مجبوری اے

لگدا اے ہوئی اِک پَل دی حضوری اے

میں روواں تے پئی کُرلاواں تے نیئں میرے وَس سوہنیا

کیویں کعبے توں نظراں ہٹاواں تے نئیں میرے وَس سوہنیا

لمیاں اُڈیکاں وِچ عمر گزاری اے

سکاں سِک سِک کے تے آئی کدی واری اے

کنّوں درد جُدایاں دے سناواں تے نئیں میرے وَس سوہنیا

کیویں چھڈ کے نظارے ایتھوں جاواں نئیں میرے وَس سوہنیا

چار دِن رہ کے تے اَساں ٹُرجانا اے

فیر کدوں سوہنیا توں مُڑ کے بُلانا اے

دل چاؤندا اے مُڑ مُڑ آواں تے نئیں میرے وَس سوہنیا

کیویں کعبے توں نظراں ہٹاواں نیں میرے وَس سوہنیا

بھردے توں کاسااَج نازغریب دا

واسطہ اےتینوں تیرے سوہنے حبیب دا

آج کر منظور دعاواں جدائیاں ہون بس سوہنیا

کیویں چھڈ کے نظارے ایتھوں جاواں تے نئیں میرے وَس سوہنیا