میں نے بس مدحِ پیمبر کے نگینے جوڑے

بالیقیں پائے گا رب سے وہ معافی کی سند

ہاتھ مجرم نے اگر جا کے مدینے جوڑے

بغضِ شیخین پہ کچھ بھی نہ ملے گا تجھ کو

جالیوں سے تو بھلے لاکھ بھی سینے جوڑے

اُن کے نوکر کی خریدی نہ گئی خاکِ قدم

ڈھیر دولت کے بہت تختِ شہی نے جوڑے

عرش کا ارضِ مدینہ سے تقابل کیسا

یہ اٹھاتی ہے ترے بارہ مہینے جوڑے

جن کے دل توڑ دیں مل کر یہ زمانے والے

ماہِ طیبہ انہیں بلوا کے مدینے جوڑے

وہ کسی بغض کے مارے سے نہ ٹوٹیں گے کبھی

جو بنائے ہیں مرے پاک نبی نے جوڑے

جس کو طوفان کی سختی کا تبسم ڈر ہو

کشتئِ آلِ محمد سے سفینے جوڑے